1Sa 9 | MarULB | STEP | बन्यामिनांतील एक माणूस होता त्याचे नांव कीश; तो अबीयएलाचा मुलगा, तो सरोराचा मुलगा, तो बखोराचा मुलगा, तो अफियाचा मुलगा होता. तो बन्यामिनी माणूस मोठा पराक्रमी होता.

1 Samuel 9

1 बन्यामिनांतील एक माणूस होता त्याचे नांव कीश; तो अबीयएलाचा मुलगा, तो सरोराचा मुलगा, तो बखोराचा मुलगा, तो अफियाचा मुलगा होता. तो बन्यामिनी माणूस मोठा पराक्रमी होता. 2 आणि त्याचा शौल नावाचा मुलगा तरुण व सुंदर होता. इस्राएलाच्या संतानामध्ये त्याच्याहून कोणी सुंदर नव्हता. सर्व लोक त्याच्या खांद्यास लागत इतका तो उंच होता.

3 आणि शौलाचा बाप कीश, याची गाढवे हरवली. तेव्हा कीश आपला मुलगा शौल याला म्हणाला, आता तूं ऊठ व चाकरांपैकी एकाला आपणाबरोबर घे; आणि जाऊन गाढवांचा शोध कर. 4 मग तो एफ्राईमाच्या डोंगराळ प्रदेशातून जाऊन शलीशा प्रांतातून गेला, परंतु ती सापडली नाहीत. मग ते शालीम प्रातांतून गेले, परंतु येथे ती त्यांना सापडली नाहीत. नंतर ते बन्यामिन्यांच्या प्रांतातून गेले परंतु त्यांना ती सापडली नाहीत.

5 ते सूफ प्रांतातून आल्यावर शौल आपल्या बरोबरच्या चाकराला म्हणाला, चला आपण माघारे जाऊ, नाहीतर माझा बाप गाढवांची काळजी सोडून आमचीच काळजी करायला लागेल. 6 तेव्हा तो चाकर त्याला म्हणाला, आता पाहा या नगरात देवाचा माणूस आहे. तो माणूस खूपच सन्मान्य आहे; जे तो सांगतो ते सर्व पूर्ण होतेच. तर आता आपण तेथे जाऊ; म्हणजे आपण कोणत्या मार्गाने पुढे जावे हे कदाचित तो आपल्याला सांगेल.

7 मग शौल आपल्या चाकराला म्हणाला, पण पाहा आपण जर जाऊ तर त्या माणसाला आपण काय घेऊन जावे? कारण आपल्या झोळीतल्या भाकरी संपल्या आहेत आणि देवाच्या माणसाला भेट देण्यासाठी काही राहिले नाही. आपल्याजवळ काय आहे? 8 तेव्हा चाकराने शौलाला उत्तर देऊन म्हटले, पाहा माझ्या हातात पाव शेकेल रुपे आहे; ते मी देवाच्या माणसाला देईन, म्हणजे तो आमची वाट आम्हाला सांगेल.

9 (पूर्वी इस्राएलांत कोणी देवाजवळ विचारायला जात असताना असे म्हणत, चला आपण द्रष्ट्याकडे जाऊ. कारण ज्याला आता भविष्यवादी म्हणतात त्याला पूर्वी द्रष्टा असे म्हणत.) 10 मग शौल चाकराला म्हणाला, तुझे बोलणे ठीक आहे चल आपण जाऊ. तेव्हा ज्या नगरात देवाचा माणूस होता तेथे ते गेले. 11 ते टेकडीवर नगराकडल्या चढणीवर जात होते तेव्हां मुली पाणी भरायला बाहेर जाताना त्यांना भेटल्या. ते त्यांना म्हणाले, द्रष्टा(पाहणारा) येथे आहे काय?

12 त्यांनी त्यांना उत्तर देऊन म्हटले, तो आहे; पाहा तुमच्या पुढेच तो निघाला आहे. लवकर जा. तो नगरात आला आहे कारण आज लोकांना उंचस्थानी यज्ञ करायचा आहे. 13 तुम्ही तो जेवायला उंचस्थानी चढून जाण्याच्या आधी, नगरात जातानाच तुमची आणि त्याची भेट होईल. तो येण्याच्या अगोदर लोक जेवणार नाहीत, कारण तो यज्ञ ला आशीर्वाद देतो मग बोलावलेले जेवतात. तर आता तुम्ही वर जा, कारण या वेळेस त्याची भेट होईल.

14 मग ते नगराकडे चढून गेले आणि ते नगरात जाऊन पोहचतात, तो त्यांनी पाहीले की, शमुवेल उंचस्थानी चढून जायला निघताना त्याच्याकडे येत आहे.

15 शौलाच्या येण्यापूर्वी एक दिवस अगोदर, परमेश्वराने शमुवेलाला प्रकट केले होते की: 16 उद्या सुमारे या वेळेस बन्यामिनी प्रांतातून एक माणूस मी तुझ्याकडे पाठवीन, आणि माझे लोक इस्राएल यांचा राजा होण्यास त्याला तूं अभिषेक कर. तो पलिष्ट्यांच्या हातून माझ्या लोकांना सोडवील. कारण मी आपल्या लोकांकडे पाहिले आहे आणि त्यांची आरोळी माझ्याकडे आली आहे.

17 शमुवेलाने शौलाला पाहिले, तेव्हा परमेश्वर त्याला म्हणाला, पाहा ज्या माणसाविषयी मी तुला सांगितले तो हाच आहे! हा माझ्या लोकांवर राज्य करील. 18 मग शौल शमुवेलाजवळ वेशीत येऊन म्हणाला, मी तुम्हांला विनंती करतो द्रष्याचे(पाहणाऱ्याचे) घर कोठे आहे ते मला सांगा. 19 तेव्हा शमुवेलाने शौलाला उत्तर देऊन म्हटले, द्रष्टा(पाहणारा) मीच आहे. माझ्या पुढे उंचस्थानी वर चला, म्हणजे आज तुम्ही माझ्याबरोबर जेवाल. तुझ्या ह्रदयात जे आहे ते सर्व सांगून सकाळी मी तुला जाऊ देईन.

20 आणि तुझी जी गाढवे तीन दिवसांपूर्वी हरवली होती त्यांची तूं काळजी करू नको, कारण ती सांपडली आहेत. आणि इस्राएलाच्या सर्व अभिलाषा कोणाकडे आहेत? तुझ्याकडे व तुझ्या बापाच्या सर्व घराण्याकडे की नाही? 21 तेव्हा शौलाने उत्तर देऊन म्हटले, मी बन्यामिनी, इस्राएलाच्या वंशामध्ये सर्वाहून धाकट्या वंशातला नाही काय? आणि बन्यामिनाच्या वंशामध्ये सर्व घराण्यांपेक्षां माझे घराणे लहान आहे की नाही? तर तुम्ही माझ्याशी असे कसे बोलतोस?

22 मग शमुवेलाने शौलाला व त्याच्या चाकराला बरोबर घेऊन भोजनशाळेत आणले. आणि आमंत्रितांमध्ये त्यांना मुख्य ठिकाणी बसवले; ते सुमारे तीसजण होते.

23 तेव्हा शमुवेल स्वयंपाक्याला म्हणाला, जो वाटा मी तुला दिला होता व ज्याविषयी मी तुला म्हटले होते की, हा तू आपल्याजवळ वेगळा ठेव, तो आण. 24 तेव्हा स्वयंपाक्याने फरा व त्यावर जे होते ते घेऊन शौलापुढे ठेवले. मग शमुलेल म्हणाला, पाहा जे राखून ठेवले होते! ते खा, कारण नेमलेल्या वेळेपर्यंत ते तुझ्यासाठी राखून ठेवलेले आहे. कारण आता तू म्हणू शकतोस की, मी लोकांना बोलावले आहे. अशा रीतीने, त्या दिवशी शौल शमुवेलाबरोबर जेवला.

25 ते उंचस्थानावरून खाली नगरात आल्यावर त्याने घराच्या धाब्यावर शौलाशी संभाषण केले. 26 ते पहाटेस उठले व उजाडण्याच्या वेळेस असे झाले की, शमुवेलाने शौलाला घराच्या धाब्यावर बोलावून म्हटले मी तुला पाठवून द्यावे म्हणून ऊठ. तेव्हा शौल ऊठला, मग तो व शमुवेल असे दोघेजण बाहेर गेले.

ते खाली नगराच्या शेवटास जात असता, शमुवेल शौलाला म्हणाला, चाकराला आपल्या पुढे चालायला सांग, परंतु मी तुला देवाचे वचन ऐकावावे म्हणून तू येथे थोडा थांब. आणि चाकर पुढे गेला.